सिंहदरबार संवाददाता
काठमाडौं । नेपाल स्टक एक्सचेञ्ज (नेप्से) एक सातामा ८ कम्पनीको बोनस सेयर सूचीकृत भएको छ । नेप्सेमा फागुन १३ (आइतबार)देखि फागुन १८ गते शुक्रबार सम्ममा ८ कम्पनीको बोनस सेयर सूचीकृत भएको हो ।
शाइन रेसुङ्गा डेभलपमेण्ट बैंक लिमिटेड, शिवम् सिमेन्ट, नेपाल इन्स्योरेन्स कम्पनी, राधी विद्युत कम्पनी, नबिल बैंक ऋणपत्र, हाथवे इन्भेष्टमेण्ट नेपाल,सिटिजन्स् लाइफ इन्स्योरेन्स, फर्स्ट माइक्रोफाइनान्स लघुवितसहित कुल २ करोड ११ लाख ३४ हजार ७ सय ४२.८७ कित्ता सेयर सूचीकृत भएको छ ।
शाइन रेसुङ्गा डेभलपमेण्ट बैंक
नेपाल स्टक एक्चेन्ज (नेप्से) मा १०.५० प्रतिशत बोनस बापतको सुचिकृत ४४ लाख ९८ हजार ७७ कित्ता बोनस सेयर नेप्सेमा सुचिकृत भएको छ ।
नेपाल इन्स्योरेन्स कम्पनी लिमिटेड
नेपाल इन्स्योरेन्सको १० प्रतिशत बापतको १४ लाख ९४ हजार ७ सय ६६ कित्ता सेयर नेप्सेमा सूचीकृत भएको छ ।
शिवम सिमेन्ट
शिवम सिमेन्टको १४.२५ प्रतिशत बापतको ६२ लाख ७० हजार बोनस सेयर नेप्सेमा सूचीकृत भएको हो ।
राधी विद्युत कम्पनी लिमिटेड कम्पनी
नेप्सेमा सोमबार राधी विद्युत कम्पनीको ४.७५ प्रतिशत बापतको ७ लाख ९६ हजार ९०.४१ कित्ता बोनस सेयर नेप्सेमा सूचीकृत भएको छ ।
हाथवे इन्भेष्टमेण्ट नेपाल लिमिटेड कम्पनी
नेप्सेमा हाथवे इन्भेष्टमेण्ट नेपाल लिमिटेडको १० प्रतिशत बोनस बापतको सेयर २३ लाख ४० हजार कित्ता बोनस सेयर नेप्सेमा सुचिकृत भएको छ ।
नबिल बैंक ऋणपत्र
नेप्सेमा नबिल बैंकको ऋणपत्र बुधवार ९ प्रतिशत बोनस बापतको ३० लाख इकाई ऋणपत्र सूचीकृत भएको हो ।
सिटिजन्स् लाइफ इन्स्योरेन्स कम्पनी
नेपाल स्टक एक्सचेञ्ज नेप्सेमा बिहिबार सिटिजन्स् लाइफ इन्स्योरेन्सको ५ प्रतिशत बोनस बापतको १८ लाख ७५ हजार कित्ता बोनस सेयर सूचीकृत भएको हो ।
फर्स्ट माइक्रोफाइनान्स लघुवित वितिय संस्था
बिहीबार नेप्सेमा फर्स्ट माइक्रोफाइनान्स लघुवितको ७.५० प्रतिशत बोनस बापतको ८ लाख ६० हजार ८ सय ९.४६ कित्ता सेयर सूचीकृत भएको हो ।
९ वटा कम्पनीहरुको बोनस सेयर अब सम्बन्धित सेयरधनीहरुको हितग्राही खातामा जम्मा भएपछि लगानीकर्ताले खरिद बिक्री गर्ने सक्नेछन् ।
प्रतिक्रिया दिनुहोस्