६ सयले बढ्यो सुनको मूल्य, कतिमा हुदैँछ किनबेच ?

काठमाडौं । साताको अन्तिम कारोबार दिन सुनको मूल्य ६ सयले बढेको छ । आज छापावाल सुन प्रतितोला १ लाख १९ हजार रुपैयाँमा खरिद बिक्री भईरहेको छ । अघिल्लो दिन सुनको मूल्य १ लाख १८ हजार ४ सय रुपैयाँ रहेको थियो ।

नेपाल सुनचाँदी व्यवसाय महासंघको अनुसार तेजावी सुनको मूल्य प्रतितोला १ लाख १८ हजार ४ सय ५० रुपैयाँ रहेको छ । अघिल्लो दिन सुनको मूल्य १ लाख १७ हजार ८ सय ५० रहेको थियो ।

साथै, आज चाँदीको मूल्य प्रतितोला १५ रुपैयाँले बढेको छ । चाँदीको मूल्य प्रतितोला १ हजार ३ सय ९० रुपैयाँमा किनबेच भईरहेको छ । अघिल्लो दिन चाँदीको मूल्य १ हजार ३ सय ७५ रूपैयाँ रहेको थियो ।