शिवम् सिमेन्टको १५ प्रतिशत लाभांश हितग्राहीको खातामा जम्मा

काठमाडौं । शिवम् सिमेन्ट लिमिटेडको ८औं वार्षिक साधारण सभाले पारित गरेको लाभांश सेयरधनीको हितग्राही खातामा जम्मा गरेको छ । कम्पनीले गत पुस १८ गतेसम्म नेप्सेमा कारोबार भइ कायम सेयरधनीको खातामा लाभांश जम्मा गरिदिएको हो ।

कम्पनीको पुस २७ गते सम्पन्न ८औं वार्षिक साधारण सभाले १४.२५ प्रतिशत बोनस सेयर र ०.७५ प्रतिशत नगद लाभांश (कर प्रयोजनार्थ) पारित गरेको थियो । सभाले पारित गरेको बोनस सेयर फागुन १४ गतेदेखि नै सेयरधनीको हितग्राही खातामा जम्मा गरिएको कम्पनीले एक सूचना मार्फत जानकारी दिएको छ ।

साथै, भौतिक रुपमा सेयर धारण गरेका सेयरधनीको हकमा पनि सेयर अभौतिकीकरण भए पश्चात् स्वतः हितग्राही खातामा जम्मा हुने हुँदा आफ्नो सेयर अभौतिकीकरण गराउन समेत कम्पनीले सेयरधनीहरुलाई आग्रह गरेको छ ।

साथै, कम्पनीले आव भन्दा अगाडी आर्थिक वर्षहरुमा वितरण गरिएको नगद लाभांश प्राप्त गनै बाँकी सेयरधनीहरुले आफ्नो बैक खाता यकिन गरि हितग्राही खाता अद्याबधिक गराउनको लागि कम्पनीले सूचनामार्फत जानकारी गरेको छ ।