सिंहदरबार संवाददाता
काठमाडौं । नेपाली युवा उद्यमी मञ्च (एनवाईइएफ) द्वार आयोजित राष्ट्रिय नीति संवाद-२०२४ कार्यक्रम सम्पन्न भएको छ । आईएलओ-एसएएलइसँगको सहकार्यमा आयोजित उक्त कार्यक्रम फागुन १५ गते होटल हिमालयमा सम्पन्न भएको हो ।
कार्यक्रममा एनवाईइएफका स्टार्टअप अध्यक्ष आभूषण ज्योति कंसाकारले देशमा स्टार्टअपको स्थिति, चुनौति, अवसर र उत्कृष्ट अभ्यासको बारेमा जानकारी दिदैँ युवा उद्यमीहरूको मागलाई सरकारले जोड दिनुपर्ने र आवश्यकतालाई गम्भीरतापूर्वक विचार गर्नुपर्ने बताए । एनवाईइएफका अध्यक्ष सहारा जोशीले युवाहरूलाई उद्यमशील परिदृश्यमा सशक्त बनाउन निरन्तर सहयोगको महत्त्वमा जोड दिने प्रतिबद्धता जनाइन् ।
कार्यक्रममा प्रधानमन्त्री तथा मन्त्रिपरिषद् कार्यालयका सचिव एकनारायण अर्याल, प्रधानमन्त्री तथा मन्त्रिपरिषद् कार्यालयका खोमराज कोइराला, एनवाईइएफका राष्ट्रिय गभर्निङ काउन्सिलका प्रथम उपाध्यक्ष कुशल सुन्दर श्रेष्ठलगायतको उपस्थिति रहेको थियो ।
प्रतिक्रिया दिनुहोस्