सिंहदरबार संवाददाता
काठमाडौं । साताको दोस्रो कारोबारको दिन सेयर बजार दोहोरो अकंले बढेको छ । नेपाल स्टक एक्सचेन्ज नेप्से १३.२८ अकंले बढेर १९९२.३० बिन्दुमा बजार बन्द भएको हो ।
आज सोमबार ३१४ कम्पनीको ५९ लाख ८८ हजार ७ सय १७ कित्ता सेयर किनबेच हुँदा २ अर्व १ करोड ७७ लाख ३९ हजार ६० रुपैयाँ कारोबार भएको छ । आज एक कम्पनीको सेयरमा सकरात्मक सर्किट लागेको छ । बोटलर्स नेपाल (बालाजु) लिमिटेडको सेयरमा १०.०० प्रतिशतले सर्किट लागेको हो ।
साथै, मनकामना स्मार्ट लघुवित्त वित्तीय संस्था लिमिटेडमा ८.१६, नेपाल वेयरहाउस कम्पनी लिमिटेडमा ७.६५ प्रतिशत, सोनापुर मिनिरल एण्ड ओएल लिमिटेडमा ७.३५ प्रतिशतसहित १९४ कम्पनीको सेयर बढेको छ ।
प्रतिक्रिया दिनुहोस्