सिंहदरबार संवाददाता
काठमाडौं । गोर्खाज फाइनान्स लिमिटेडले २८ र २९ औं साधरण सभा बोलाएको छ । कम्पनीको चैत २ गते बसेको सञ्चालक समितिको निर्णय अनुसार सभा चैत २ गते अनुपम फुडल्याण्ड एण्ड बैंकेटल, बत्तीसपुतलि, काठमाडौंमा दिउँसो १ बजे बस्ने आव्हान गरेको हो ।
सभाले आव २०७८/७९ र २०७९/८० को संचालक समितिको प्रतिवेदन, नाफा–नोक्सान हिसाब, नगद प्रवाह लगायतका वित्तीय विवरण छलफल गरी पारित गरी चालु आवका लागि लेखापरीक्षक नियुक्त गर्नेछ ।
सभामा संस्थाको प्रबन्धपत्रको दफा ४(थ) र दफा ५(घ) संसोधन गर्ने ।
साथै, संस्थाको प्रबन्धपत्र, नियमावली सम्बन्धमा नियमनकारी निकायबाट आवश्यक थपघट गर्न निर्देशन भएमा सो बमोजिम गर्न संचालक समितिलाई अख्तियारी प्रदान गर्नेछ ।
सभा प्रयोजनार्थको लागि कम्पनीले फागुन १८ गतेदेखि चैत्र २ गतेसम्म बुक क्लोज गर्ने निर्णय गरेको छ । जसअनुसार फागुन १७ गतेसम्म नेप्सेमा कारोबार भई कायम सेयरधनीहरु मात्रै सभामा भाग लिन पाउँनेछन् ।
प्रतिक्रिया दिनुहोस्