सिंहदरबार संवाददाता
काठमाडौं । महालक्ष्मी विकास बैंक नेपाल स्टक एक्सचेञ्ज (नेप्से)द्धारा संगठित संस्थाको वर्गिकरणमा “ए” वर्गमा परेको छ । आर्थिक वर्ष समाप्त भएको ६ महिनाभित्र वार्षिक साधारण सभा सम्पन्न गर्ने संस्थाहरु “ए” वर्गमा पर्ने ब्यवस्था अन्तर्गत बैंक “ए” वर्गमा पर्न सफल भएको हो ।
धितोपत्र सुचीकरण विनियमावली २०७५ को विनियम ११ बमोजिम चुक्ता पुँजी कम्तीमा १ अर्ब रुपैयाँ भएको, धितोपत्र सूचीकरण गराएको कम्तीमा ३ वर्ष पुरा भएको, क्रेडिट रेटिङ्ग संस्थाबाट औसत वा सो भन्दा माथिको रेटिङ्ग प्राप्त गरेको, नियमनकारी निकायले तोकेको ढाँचामा वित्तीय विवरण पेश गरेको तथा आर्थिक वर्ष समाप्त भएको ६ महिना भित्र वार्षिक सभा सम्पन्न गरेको संस्थाहरु “ए” वर्गमा पर्ने ब्यवस्था रहेको छ र सोही बमोजिम महालक्ष्मी विकास बैंक “ए” वर्गमा पर्न सफल भएको छ ।
साथै, बैंकको पौष २८ गते सम्पन्न भएको २२ औँ वार्षिक साधारण सभाबाट विदेशी बैंक वा वित्तीय संस्थालाई रणनीतिक साझेदारको रुपमा ल्याउने प्रस्ताव समेत पारित भएको छ ।
प्रतिक्रिया दिनुहोस्