सिंहदरबार संवाददाता
काठमाडौं । सरकारले एनसेलको शेयर खरिद–बिक्री प्रकरण सम्बन्धमा अध्ययन तथा छानबिन गर्न समिति गठन गरेको छ ।
सञ्चार तथा सूचना प्रविधिमन्त्री रेखा शर्माले पत्रकार सम्मेलनमा शेयर खरिद बिक्रीको निर्णय सम्वन्धमा प्रचलित कानूनको परिचालनको विषय, राजस्व र नेपालमा वैदेशिक लगानीमा पर्न सक्ने असरलगायतका विषयमा अध्ययन तथा छानविन गर्न समिति गठन गरिएको जानकारी दिइन ।
पूर्वमहालेखापरीक्षक टङ्कमणि शर्मा (दङ्गाल) को संयोजकत्वमा सरकारका सचिव फणिन्द्र गौतम, सहसचिव बाबुराम भण्डारी, सहसचिव नितेशकुमार शाक्य, आइक्यान परिषद्का अध्यक्ष सुजनकुमार काफ्ले सदस्य रहने गरी समिति गठन गर्ने निर्णय भएको हो ।
समितिलाई ३० दिनको समय दिइएको भने समितिले आजैबाट कामको सुरुवात गरेको छ ।
प्रतिक्रिया दिनुहोस्