काठमाडौं । नेपाल राष्ट्र बैंकले आज (सोमबार) बजारबाट ३५ अर्ब रुपैयाँ उठाउने भएको छ । बजारमा अधिक तरलता भएसँगै राष्ट्र बैंकले चैत २५ गते ३५ अर्ब रुपैयाँ उठाउने भएको हो ।
२३ दिन अवधीका लागि राष्ट्र बैंकले उठाउन लागेको ३५ अर्ब रुपैयाँको साँवा तथा ब्याज बैंकहरुले बैशाख १७ गते फिर्ता पाउनेछन् । क, ख र ग वर्गका बैंक तथा वित्तिय संस्थाहरुले घटीमा १० करोड र बढीमा ५ करोडले भाग गर्दा नि: शेष आउने अंक बराबरको निक्षेप राष्ट्र बैंकमा राख्न सक्ने बैंकले जनाएको छ ।
निक्षेप संकलनकोबोलकबोल ब्याजदरमा गर्नुपर्नेछ । बहुब्याजदरमा पनि बहुबोलकबोल गर्न सकिन राष्ट्र बैंकले जनाएको छ । निक्षेप संकलनको बोलकबोलमा निक्षेपवापत् जम्मा गर्न चाहेको रकम र ब्याजदर (दशमलव पछिको हकमा चार अंकसम्म) उल्लेख गर्नु पर्नेछ ।
त्यस्तै, निक्षेप संकलनको लागि आव्हान गरिएको रकम बाँडफाँड गर्दा बोलबमोजिम सबैभन्दा कम ब्याजदरलाई पहिलो प्राथमिकता क्रममा राखी आव्हान गरेकोरकमसम्म क्रमश: बाँडफाँड गरिने र समान ब्याजदर उल्लेख भएका बोल रकम समावेश गर्दा कुल निष्काशित रकमभन्दा बढी भएमा एचय(चबतब द्यबकष्क मा बाँडफाँड गरिने राष्ट्र बैंकले जनाएको छ ।
प्रतिक्रिया दिनुहोस्