Skip to content
Shikhar Insurance
National Life

नेपाल इन्फ्रास्ट्रक्चर्स इन्भेस्टमेन्ट फण्डले घाम ऊर्जा सेवामा लगानी गर्ने, उत्पादन क्षमता १०.२७ मेगावट पुर्याउने

Hyundai
NCELL
NIMB

काठमाडौं । नेपाल इन्फ्रास्ट्रक्चर्स इन्भेस्टमेन्ट फण्ड लिमिटेडले घाम पावर नेपालको सहायक कम्पनी घाम ऊर्जा सेवामा रणनीतिक लगानी गरेको छ । सौर्य उर्जाको विकास गर्नका लागि कम्पनीले लगानी गरेको हो ।

ग्लोबल इक्विटी फण्डका प्रबन्ध निर्देशक डा. मनिष थापाले घाम ऊर्जा सेवामा अफ-ग्रिड रुफटप सौर्य परियोजना विस्तार गर्न ग्लोबल इक्विटी फन्डको सम्झौता भएको बताए ।  यो लगानीले स्वच्छ बिजुली उत्पादन गर्न, ग्रिडमा निर्भरता कम गर्न सहयोग पुग्ने उनले बताए । नेपालमा जलविद्युतको उल्लेखनीय सम्भावना भएतापनि, यसको वर्तमान ऊर्जा उत्पादनले उद्योगहरूको माग पूरा गर्न संघर्ष गरिरहेको छ ।

जसले गर्दा डिजेल जेनेरेटरमा निर्भरता बढ्दै गएको छ र बारम्बार बिजुली कटौती भइरहेको छ । यसले तिनीहरूको कार्बन फुटप्रिन्ट र सञ्चालन लागतलाई अझ बढाउँछ, जसले वातावरण र अर्थतन्त्र दुवैमा नकारात्मक प्रभाव पार्छ।

घाम पावर नेपालका सीईओ अञ्जल निरौलाले घाम ऊर्जामा ग्लोबल इक्विटी फन्डको यो लगानीले नेपाली उद्योगहरूलाई वैकल्पकि बिजुलीको व्यवस्था गर्ने बताए । घाम ऊर्जा कम्पनीले ५ देखि २० वर्षको विद्युत खरिद सम्झौता (PPA) मोडेलमा व्यावसायिक र औद्योगिक संस्थाहरूलाई छतको सौर्य उर्जा प्रदान गर्दै आएको छ । कम्पनीले सोल्टी होटल, सारस बेभरेजेस, गोर्खा ब्रुअरी, अरिहन्त इन्फ्रास्ट्रक्चर्सको जस्ता दर्जनौ प्रतिष्ठित संस्थाहरूका लागि छाना माथि अफ ग्रिड सौर्य परियोजनाहरू सफलतापूर्वक स्थापना गरेको छ ।

आर्थिक वर्ष २०८०-८१ सम्म कम्पनीको कुल क्षमता ५.७ मेगावाट थियो, जुन आर्थिक वर्ष २०८१-८२ को दोस्रो त्रैमासिकमा ७.७६ मेगावाटमा विस्तार भएको छ । घाम ऊर्जा सेवाले पूँजीगत खर्चमा लगानी गरेर आफ्नो बजार उपस्थितिलाई अझ बलियो बनाउने लक्ष्य राखेको छ । कम्पनीले केहि वर्षमै १०.२७ मेगावाट विद्युत उत्पादन गर्ने लक्ष्य राखेको छ ।

ग्लोबल इक्विटी फन्ड र घाम ऊर्जा सेवा बीचको रणनीतिक साझेदारीले नेपाल स्वच्छ उर्जा तर्फ अग्रसर भएको कम्पनीको भनाई छ ।

GBIME

प्रतिक्रिया दिनुहोस्