काठमाडौं । भाटभटेनी सुपरमार्केट एण्ड डिपार्टमेन्टल स्टोरकाका अध्यक्ष मीन बहादुर गुरुङले व्यवसायी दुर्गा प्रसाईलाई तपाईको व्यापारमा ढुङगामुढा गर्यो भने के हुन्छ भन्दै प्रश्न गरेका छन् । बुधबार (चैत २० गते) कर्मचारी सम्मान समारोह कार्यक्रममा बोल्दै उनले प्रसाईको गतिविधि र सरकारको काम गराईप्रति असन्तुष्ट व्यक्त गरेका हुन् ।
व्यवसायी गुरुङले आज अरुको व्यापारमा आक्रमण गर्दै हिड्ने प्रसाईको बी एण्ड सी अस्पतालमा आक्रमण गर्यो भने के हुन्छ? भन्दै प्रश्न गरेका हुन् । उनले भनेका छन्, “आन्दोलनकारिहरुले आज भाटभटेनी लुट्यो, भोलि अरु व्यवसाय लुट्न सक्छन् । दुर्गा प्रसाईको बी एण्ड सी हस्पिटलमा लुटपाट गर्यो भने के हुन्छ ? चित्त दुख्दैन ? यो ज्यादै बर्बर छ । एउटा गुण्डालाई जे नि गर्न दिने ? राज्यले यो के गरेको ?”
व्यवसायी गुरुङले दुर्गा प्रसाईं गुण्डा नाइके भएको बताएका छन् । राज्यले उनलाई केही गर्न सकेको सकेको र छाडा छोडिदिएर गल्ती गरेको बताए । आन्दोलनकारीहरुले भाटभटेनी लुटे, भोलि अरु व्यवसाय पनि लुट्न सक्छन्, उनले सरकारको आलोचना गर्दै भने, “यो सरकारको दोष हो, गुण्डालाई राज्यले खुला छुट दिएको छ। बैंकका कर्मचारीलाई कालो मुसो लगाउन पनि छुट दिएको छ। यसको परिणामस्वरूप आज दुई जना होनहार नागरिकले ज्यान गुमाए । राज्यले एक डनलाई कस्तो व्यवहार गरिरहेको छ भन्ने कुरा आम नागरिकलाई बुझ्न आवश्यक छ ।”
गुरुङले दुर्गा प्रसाईंको आन्दोलनले नेपालको संविधानलाई परिवर्तन गर्न नसक्ने दाबी गर्दै राजसंस्था फर्काउन नसक्ने बताए । उनले भाटभटेनी लुटपाट गर्ने लुटेराहरु लखाट्ने आफ्ना कर्मचारीहरुलाई नगद सहित सम्मान र ग्रेड वृद्धि गरेका छन्
प्रतिक्रिया दिनुहोस्