काठमाडौं । लाइफ इन्स्योरेन्स कर्पोरेशन (नेपाल) लिमिटेड (एलआईसी नेपाल) ले बीमीतहरुको विश्वास क्रमश: गुमाउँदै गएको छ । दाबी भुक्तानीमा ढिलाई, अभिकर्ताहरुको गिर्दो मनोबल र नेतृत्वको अक्षमताका कारण एलआईसी नेपालप्रति बीमितहरुको विश्वास घट्दै गएको हो ।
अहिले एलआइसी नेपाल इतिहासकै कठिनतम अवस्थाबाट गुज्रिरहेको छ भन्ने तथ्य बुझ्नका लागि कम्पनीले संकलन गरेको प्रथम बीमा शुल्क र सरेन्डरको तथ्यांक हेर्नुपर्छ ।
कम्पनीले चालु आव फाुनमसान्तसम्मा १२ अर्ब ५६ करोड ५ लाख रुपैयाँ कुल बीमा शुल्क आर्जन गरेको छ । एलआइसी नेपालको बीमीतले ८ महिनामा ३ अर्ब रुपैयाँ बराबरको १७ हजार ८ सय ८९ बीमितले बीमा पोलिसी त्यागेका छन् ।
चालु आर्थिक वर्ष ०८१र०८२ को फागुनमसान्तसम्म जीवन बीमा कम्पनीहरुको पोलिसी सरेन्डर बढेको छ । ८ महिनामा १४ जीवन बीमा कम्पनीका ७१ हजार ५ सय ५४ बीमितले ९ अर्ब ८७ करोड ६३ लाख ६३ हजार रुपैयाँको बीमा पोलिसी त्यागेका हुन् ।
पोलिसी सरेन्डर धेरै हुनेमा लाइफ इन्स्योरेन्स कर्पोरेशन (नेपाल) एलआइसी परेको छ । नेपाल बीमा प्राधिरकणको तथ्याङ्क अनुसार एलआइसीको ३ अर्ब ९ करोड ९६ लाख ३२ हजार रुपैयाँ बराबरको १७ हजार ८ सय ८९ वटा बीमा पोलिसी सरेन्डर भएको छ ।
राष्ट्रिय जीवन बीमा कम्पनीको ९२ करोड ११ लाख ७० हजार बराबरको १० हजार १ सय ४६ वटा बीमालेख सरेन्डर भएको छ । मेट लाइफको २७ करोड ९९ लाख रुपैयाँ बराबरको २ हजार ३ सय ७८ वटा बीमा सरेन्डर भएको छ भने सानीमा रिलायन्स इन्स्योरेन्सको १७ करोड ४५ लाख रुपैयाँ बराबरको १ हजार २ सय ४७ वटा बीमा सरेन्डर भएको छ ।
त्यस्तै, एशियन लाइफ इन्स्योरेन्सको बीमा सरेन्डर ६१ करोड १४ लाख बराबरको ५ हजार ८ सय २४ रहेको छ भने नेशनल लाइफ इन्स्योरेन्सको ६० करोड ५१ लाख बराबरको ४ हजार १ सय ६० वटा बीमालेख सरेन्डर भएको छ ।
सूर्यज्योति लाइफ इन्स्योरेन्सको ५३ करोड २१ लाख रुपैयाँ बराबरको ३ हजार ९ सय ३६ वटा बीमालेख बन्द भएको छ ।
हिमालयन लाइफको ४२ करोड २७ लाख रुपैयाँ बराबरको ४ हजार ५ सय ८४ वटा बीमालेख सरेण्डर भएको छ भने आइएमई लाइफ इन्स्योरेन्सको १३ करोड ५३ लाख रुपैयाँ बराबरको १ हजार १ सय ९० वटा सरेन्डर भएको छ ।
सिटिजन लाइफ इन्स्योरेन्सको १८ करोड ४४ लाख रुपैयाँ बराबरको १ हजार ९ सय ५९ वटा सरेन्डर भएको छ भने प्रभू महालक्ष्मी लाइफको १४ करोड २० लाख रुपैयाँ बराबरको १ सय २० वटा बीमालेख सरेन्डर भएको छ । रिलायबल लाइफ इन्स्योरेन्सको ७ करोड ४४ लाख रुपैयाँ बराबरको १ हजार ९६ वटा बीमा सरेन्डर भएको छ ।
साथै, सन नेपाल लाइफ इन्स्योरेन्सको ५ करोड ५५ लाख रुपैयाँ बराबर ५ सय २६ वटा बीमा सरेन्डर भएको छ । 
प्रतिक्रिया दिनुहोस्