बालेनले लगाएको ताला फुटाएर सह-सचिव सरोज गुरागाईँ छिरे कार्यालय, उपमेयर डंगोलको साथ

काठमाडौं महानगरपालिकाका प्रमुख प्रशासकीय अधिृकत सरोज गुरागाईँले कार्यालय पुगेर हाजिर गरेका छन् ।

उपप्रमुख सुनिता डंगोल तथा महानगरका कर्मचारीहरुको सहयोगमा उनले हाजिर गरेका हुन् । साढे तीन महिनादेखि प्रमुख प्रशासकीय अधिकृतविहिन हुँदा महानगरका कर्मचारीहरु तलव पाउनबाट वञ्चित भएका थिए ।

यसअघि प्रमुख प्रशासकीय अधिकृत गुरागाईं कार्यालय प्रवेश गर्न खोज्दा नगर प्रहरी र कर्मचारीबीच तनाव उत्पन्न भएको थियो । कर्मचारी र जनप्रतिनिधिले घेराउमा राखेर गुरागाईंलाई कार्यकक्षतिर लगेका थिए ।

प्रमुख बालेन्द्र साहको निर्देशनमा प्रमुख प्रशासकीय अधिकृतको कोठामा तालासमेत लागाइएको थियो तर कर्मचारीहरुले ताल फोडेर गुरागाईंलाई हाजिर गराएका हुन् । प्रमुख बालेन्द्र साहले गुरागाईंलाई गत पुस ७ गतेदेखि बिदामा राखेका थिए । यसअघि बालेन्द्र शाहले आफ्ना कर्मचारीले १ हप्ताभित्र तलब नपाए सबैलाई गाड्ने भन्दै चेतावनी दिएका छन् ।

सहसचिव गुरागाईलाई हाजिर गर्न नदिनका लागि मेयर बालेनले नगर प्रहरी परिचालन गरेका थिए । तर उपमेयर डंगोलले मैदानमै उत्रिएर सहसचिवलाई साथ दिएपछि कार्यालय प्रवेश गर्न पाएका हुन् ।