एजेन्सी । भारतको कुल निर्यात ६ प्रतिशत भन्दा बढीले बढेर आर्थिक वर्ष २०२४–२५ (अप्रिल २०२४–मार्च २०२५) मा ८२४.९ अर्ब अमेरिकी डलरको उच्चतम बिन्दुमा पुगेको छ ।
वाणिज्य तथा उद्योग मन्त्रालयले अघिल्लो आर्थिक वर्षमा देशको कुल निर्यातको आंकडा ७७८.१ अर्ब डलर रहेको बताएको छ । सेवा निर्यातले समग्र निर्यातको वृद्धि गतिलाई निरन्तर अगाडि बढाइरहेको छ ।
सेवा निर्यात ३८७.५ अर्ब डलरको ऐतिहासिक उच्च बिन्दुमा पुगेको छ । जुन अघिल्लो आर्थिक वर्षको तुलनामा १३.६ प्रतिशतले वृद्धि हो । आर्थिक वर्ष २०२४–२५ मा, पेट्रोलियम उत्पादनहरू बाहेक व्यापारिक वस्तु निर्यात ३७४.१ अर्ब डलरको रेकर्डमा पुगेको छ ।
जुन आर्थिक वर्ष २०२३–२४ को तुलनामा ६ प्रतिशतले वृद्धि हो ।
प्रतिक्रिया दिनुहोस्