काठमाडौं । आइजीआई प्रुडेन्सियल इन्स्योरेन्स लिमिटेडले चालु आर्थिक वर्षको तेस्रो त्रैमाससम्मको अपरिष्कृत वित्तीय विवरण सार्वजनिक गरेको छ ।
चालु आर्थिक वर्षको चैत मसान्तसम्ममा कम्पनीले २६ करोड ५१ लाख रुपैयाँ खुद नाफा आर्जन गरेको छ । जुन गत आवकोे सोही अवधिको तुलनामा ४३.३१ प्रतिशत कम हो । गत आवको सोही अवधिमा कम्पनीले ४६ करोड ७६ लाख रुपैयाँ खुद नाफा कमाएको थियो ।
समीक्षा अवधिमा कम्पनीको खुद आर्जित बीमाशुल्क ७.१२ प्रतिशत बढेको छ भने कुल आम्दानी १०.२८ प्रतिशत घटेको छ ।
३ अर्ब २ करोड ९३ लाख रुपैयाँ चुक्ता पूँजी रहेको कम्पनीको जगेडा कोषमा १ अर्ब ८१ करोड २४ लाख रुपैयाँ, महाविपत्ती कोषमा ९ करोड २२ लाख रुपैयाँ, रिटेन्ड अर्निङ्गमा १२ करोड ५२ लाख रुपैयाँ र अन्य इक्विटीमा ५५ करोड ४२ लाख रुपैयाँ रहेको छ ।
त्यस्तै, कम्पनीको इपीएस ११.६७ रुपैयाँ, पीइ रेसियो ४८.४३ र प्रतिसेयर नेटवर्थ १८५.३० रहेको छ ।
प्रतिक्रिया दिनुहोस्