अर्थ सचिव उपाध्यायले कार्यभार सम्हाल्दै भने,‘बहाना बनाएर कामबाट पन्छिने छुट छैन’

काठमाडौं । अर्थ सचिव घनश्याम उपाध्यायले कार्यभार सम्हालेका छन् । मंगलबार अर्थ मन्त्रालयमा पदभार ग्रहण गरेका हुन् । मन्त्रालयको सुवर्ण हलमा अर्थमन्त्री विष्णुप्रसाद पौडेलले घनश्याम उपाध्यायलाई स्वागत गरी सचिव डा. रामप्रसाद घिमिरेलाई बिदाई गरेका हुन् ।

कार्यक्रममा उपप्रधानमन्त्री एवं अर्थमन्त्री पौडेलले अर्थ सचिव उपाध्यायको प्रशासनिक नेतृत्वमा अर्थ मन्त्रालयसँग राष्ट्र र जनताले गरेको अपेक्षा पूरा हुने विश्वास व्यक्त गरे ।

अर्थमन्त्री पौडेलले अर्थ सचिव रहँदा डा. घिमिरले अर्थतन्त्रलाई अनुशासित र गतिशिल बनाउन इमान्दारीपूर्वक योगदान पुर्याएको उल्लेख गर्दै उनको अनुभव र ज्ञानलाई अर्थ मन्त्रालयले आगामी दिनमा पनि लिने बताए ।

अर्थ सचिव उपाध्यायले अर्थ मन्त्रालयको जिम्मेवारी प्रदान गरेकोमा नेपाल सरकार र उपप्रधानमन्त्री एवं अर्थमन्त्रीप्रति कृतज्ञता व्यक्त गर्दै राजस्व वृद्धि, पूँजीगत खर्च वृद्धि, अनावश्यक खर्च कटौती, उत्पादन वृद्धि लगायतमा काम गर्दै थप लगानीका लागि वातावरण सिर्जना गर्ने प्रतिबद्धता व्यक्त गरे ।

सोमबार बसेको मन्त्रिपरिषदको बैठकले अर्थ सचिव डा. रामप्रसाद घिमिरेको सरुवा गर्ने निर्णय गरको थियो । स्वागत कार्यक्रममा सचिव उपाध्यायले अर्थ मन्त्रालयका कर्मचारीले यो या त्यो बाहानामा कामबाट पन्छिन नपाउने बताएका छन् । अर्थ सचिव घिमिरेले भने, ‘नियमक निकाय अन्य कुनै विषयले कामबाट पन्छिने अवस्था छैन,अर्थमन्त्रालयका कर्मचारीलाई हुने छैन । किनभने समस्यासँगै समाधान पनि रहेको हुन्छ।’

अख्तियार दुरुपयोग अनुसन्धान आयोगमा केहि महिना बसेर आएका सचिव उपाध्यायले कर्मचारीहरुलाई अख्तियारको डर नमान्न संकेत गरेका छन् । पुर्व अर्थसचिव घिमिरे भने विवादित छवि बनाउँदै अर्थ मन्त्रालयबाट बाहिरेका छन् । उनलाई राष्ट्रपति कार्यालयको जिम्मा दिएको छ । सचिव डा. घिमिरेले  विश्वास गरी राजस्व सचिव र अर्थ सचिवको भूमिमा प्रदान गरेकोमा सरकारप्रति धन्यवाद व्यक्त गरेका थिए ।

विवादित अर्थ सचिव घिमिरेको सरुवा, अख्तियारबाट घनश्याम आए देशको ढुकुटी सम्हाल्न