Skip to content
Shikhar Insurance
National Life

भाटभटेनी लुटपाटमा लुटेरा लखेट्ने कर्मचारीहरुलाई नगद सहित सम्मान

Hyundai
NCELL
NIMB

काठमाडौं । भाटभटेनी सुपरमार्केट एण्ड डिपार्टमेन्टल स्टोरले लुटेराहरुसँग नडराई लखेट्ने कर्मचारीहरुलाई सम्मान गरेको छ । स्टोरले बुधबार एक कार्यक्रम गरी सुरक्षामा खटिने कर्मचारीहरुलाई नगद पुरस्कार सहित सम्मान गरेको हो ।

चैत १५ गते राजावादीहरुले काठमाडौंको तीन कुनेमा विरोध सभा आयोजना गरेका थिए । सो सभा हिसां र लुटपाटमा बदलिएको थियो । राजावादी आन्दोलनमा सहभागी भएकाहरु एकाएक भाटभटेनी सुपरमार्केट तोडफोड गरी लुटपाट मच्याउन थालेका थिए । तोडफोड र लुटपाटको घटनामा बहादुरी देखाएर प्रतिकार गर्ने सुरक्षा गार्ड दुलप्रसाद पराजुली सहितका कर्मचारीहरुलाई कम्पनीले पुरस्कृत गरेको छ ।

Citizen Life
Kumar Bank
Prabhu Insurance

पराजुलीलाई कोटेश्वर भाटभटेनीमा आयोजित  कार्यक्रममा ५ लाख १ हजार १ सय ११ नगद रुपैयाँ पुरस्कार र पाँच ग्रेड बढुवाको सम्मान प्रदान गरिएको हो ।

अन्य तीन सुरक्षा गार्ड सूर्य गिरी, दीपेश खड्का र सोमबहादुर भुजेललाई २५ हजार १ रुपैयाँ र एक ग्रेड बढुवा गरिएको छ । यसैगरी, ग्रोसरी सिनियर सुपरभाइजर सागर गुरुङलाई ५१ हजार एक सय ११ को चेक र दुई ग्रेड बढुवा  गरेको कम्पनीले जनाएको छ ।

 

GBIME

प्रतिक्रिया दिनुहोस्