सिंहदरबार संवाददाता
काठमाडौं । आयल निगमले १५ दिनको लागि मूल्य समायोजन गरेको छ । निगमले फागुन ४ गतेदेखि लागू हुन् गरेर मूल्य समायोजन गरेको छ ।
समायोजित मूल्य अनुसार डिजल र पेट्रोलमा एकैपट प्रतिलिटर ४ रुपैयाँले मूल्य घटेको छ । पेट्रोलमा भने १ रुपैयाँ बढेको छ ।
इण्डियन आयल कर्पोरेशनबाट १५ फेब्रुअरी, २०२५ (फाल्गुन ०३, २०८१) मा प्राप्त पेट्रोलियम पदार्थको नयाँ खरिद मूल्य अनुसार प्रति लिटर पेट्रोलमा रु. ०.५८ ले बढेर र डिजेलमा रु. ३.५९ ले घटेर आएको छ ।
निगम सञ्चालक समितिको निर्णयानुसार १६ फेब्रुअरी, २०२५ (मिति २०८१/११/०४) को बिहान ००:०१ बजेदेखि लागु हुनेगरी साविकको खुद्रा बिक्री मूल्यमा प्रति लिटर पेट्रोलमा रु. १/- (एक) ले बढाईएको र डिजेल / मट्टितेलमा प्रति लिटर रु. ४/- (चार) ले घटाएको हो ।
प्रतिक्रिया दिनुहोस्