सिटिजन्स बैंकको १८ औं वार्षिकोत्सव सम्पन्न, नेपालमै पहिलो पटक क्रस बैंक टेलर क्यूआर भुक्तानी सेवाको सुरुवात

काठमाडौं । सिटिजन्स बैंक इन्टरनेसनल लिमिटेडको १८ औं वार्षिकोत्सव सम्पन्न भएको छ । बैंकले १८औं बार्षिकोत्सवको अवसरमा आज (बैशाख ७ गते) सातवटै प्रदेशमा करिव ९२१ कर्मचारीहरुको सहभागितामा प्रभातफेरी कार्यक्रम आयोजना गरेको छ ।

बैंकले सातवटै प्रदेशमा अवस्थित आफ्नै भवनमा प्रदेश कार्यालय सञ्चालनका साथै २०० वटा शाखाहरु मार्फत चालु आर्थिक बर्षको तेस्रो त्रैमास सम्ममा बैंकको कूल निक्षेप करिव रु २ खर्व ०२ अर्व रहेकोमा कर्जा तर्फ रु १ खर्व ७३ अर्व परिचालन गरेको छ ।

साथै, बैंकले संस्थागत सामाजिक उत्तरदायीत्व कार्यक्रम अन्तर्गत ‘रक्तदान नै जिवनदान’ भन्ने नारालाई सार्थक बनाउदै रगतको आवश्यकता र खड्किरहने अभावलाई केहि हद सम्म भए पनि पुरा होस् भन्ने अभिप्रायका साथ नेपाल रेडक्रस सोसाईटी र हिमाल हस्पिटल संगको सहकार्यमा सातवटै प्रदेशका कूल ३३ शाखाहरुबाट करिब ९१३ जना रक्तदाताको सहभागीतामा रक्तदान कार्यक्रम भव्य रूपमा सम्पन्न गरेको छ ।

डिजिटल बैंकिङ्गलाई उच्च प्राथमिकतामा राखि ‘Brick Banking to Click Banking’ भन्ने मूल मन्त्र लाई आत्म साथ गर्दै सिटिजन्स मोबाईल बैंकिङ्ग App मार्फत ट्याप एन्ड पे (Tap & Pay) सेवा तथा नेपालमै पहिलो पटक Cross Bank Teller QR भुक्तानी सेवा संचालनमा ल्याइएको छ ।

सिटिजन्स बैंकका मोबाईल बैंकिङ्ग प्रयोगकर्ताहरुले आफ्नो मोबाईल बैंकिङ्ग सेवा मार्फत Offline माध्यमबाट नै रु.पाँच हजार सम्मको भुक्तानी Tap & Pay मार्फत सहज रूपमा गर्न सक्ने बैंकले जनाएको छ ।

साथै, बैंकले नेपालमै पहिलो पटक Cross Bank Teller QR  प्रणालीको सुरुवात गरी अन्य बैंकका ग्राहकहरूले नजिकैको सिटिजन्स बैंकको शाखा काउन्टरमा गई आफ्नो बैंकको मोबाईल बैंकिङ्ग मार्फत ऋचयकक द्यबलप त्भििभच त्तच् लाई स्क्यान गरेर तुरुन्तै नगद भुक्तानी प्राप्त गर्न सक्ने बैंकले जनाएको छ ।

यस प्रकारको सेवाले भुक्तानी प्रक्रियालाई झनै द्रुत र सुरक्षित बनाई ग्राहकलाई सुविधाजनक सेवाको अनुभव प्रदान गर्ने लक्ष्य बैंकले राखेको छ ।

र यहि अवसरमा बैंकले नयाँ बचत खाता (Citizens Freelancer Saving Account), ‘Save Local, Earn Global – Citizens Freelancer Saving Account’ भन्ने नाराका साथ संचालनमा ल्याएको छ । यो खाता विशेष गरी फ्रील्यान्सरहरूको वित्तीय आवश्यकतालाई ध्यानमा राखी डिजाइन गरिएको हो । यस खाताका ग्राहकहरुलाई दुवै नेपाली रुपैयाँ र अमेरिकी डलर, बचत खाता खोल्ने सुविधा प्रदान गरिएको छ, साथै, दुवै बचत खाताहरुमा उच्चतम ब्याजदर पनि प्रदान गरिएको छ ।

यस बचत खातामा पहिलो वर्षको लागि स्वास्थ्य उपचार बीमा रू २५,००० सम्म (OPD सेवा ५००० सम्म), दुर्घटना मृत्यु बीमा रू ३००,००० सम्म लगायत नि: शुल्क मोबाइल बैंकिङ, इन्टरनेट बैंकिङ, डेबिट कार्ड, र डिम्याट खाता सुबिधाहरु समावेश गरिएको बैंकले जानकारी दिएको छ ।