काठमाडौं । भाटभटेनी सुपरमार्केट एण्ड डिपार्टमेन्टल स्टोरको अध्यक्ष मीनबहादुर गुरुङले चैत १५ गतेको घटनामा मृत्यु भएका दुई जनाको परिवारलाई आर्थिक सहयोग गर्ने घोषणा गरेका छन् ।
बुधबार (चैत २० गते) कोटेश्वरस्थित भाटभटेनीमा आयोजित कर्मचारी सम्मान समारोह कार्यक्रममा बोल्दै गुरुङले एभिन्युज टेलिभिजनमा काम गर्ने पत्रकार सुरेश रजक र सविन महर्जनको परिवारलाई आर्थिक सहयोग गर्ने घोषणा गरेका हुन् ।
उनले पत्रकार सुरेशको परिवारलाई ५ लाख रुपैयाँ र सविनको परिवारलाई ३ लाख रुपैयाँ दिने घोषणा गरेका छन् । चैत १५ गते राजावादी आन्दोलनका क्रममा उनहरुले ज्यान गुमाएका थिए । व्यवसायी गुरुङले सरकारले भन्दा पहिले सहयोगको घोषणा गरेका हुन् ।
१५ गतेको आन्दोलनबाट भाटभटेनीमा ८० लाख ३३ हजार भन्दा बढीको क्षति भएको थियो । लुटेराको भिडलाई लेखेट्ने सुरक्षा गार्डलाई पनि कम्पनीले नगद पुरस्कार सहित सम्मान र ग्रेड बढुवा गरेको छ ।
प्रतिक्रिया दिनुहोस्