Skip to content
Shikhar Insurance
National Life

देश ‘ग्रे’ लिष्टमा परेपछि राष्ट्र बैंकले गर्यो गाडी चढ्नमा कडाई, हायर पर्चेज कम्पनीलाई नयाँ सर्कुलर जारी

Hyundai
NCELL
NIMB

काठमाडौं । फाइनान्सियल टास्क फोर्स (एफएटीएफ) ले देशलाई कालोसूचिमा राखेपछि राष्ट्र बैंकले गाडी चढ्नेमाथी निगरानी बढाएको छ । राष्ट्र बैंकले गाडीको कर्जा प्रवाह गर्ने हायर पर्चेज कम्पनीलाई सर्कुलर जारी गर्दै ग्राहक परिचानमा कडाई गरेको हो ।

सर्कुलर जारी गर्दै सूचिकृत व्यक्ति पहिचान सम्बन्धमा नयाँ व्यवस्था गररेको छ । जसमा ‘ऐनको परिच्छेद ६ ख. बमोजिम प्रकाशन गरिएको सूची तथा नियमावलीको नियम ६९ बमोजिम गृह मन्त्रालयले विभिन्न माध्यमबाट उपलब्ध गराएको व्यक्ति, समूह वा संगठनको सूची वा सो सँग सम्बद्ध कुनै व्यक्ति, समूह वा संगठनसँग आफ्नो कारोबार भए नभएको नियमित रुपमा यकिन गरी आदेशानुसारको कार्य गर्नु पर्नेछ’ भनि उल्लेख छ। अब गृह मन्त्रालय हत्यारा, फरार, सम्पति शुद्धिकरणमा मुद्दा खेपेका, समाजमा चोरी दादागिरी गर्नेहरुसँग कारोबार नाता सम्बन्ध राख्ने व्यक्तिले समेत गाडी कर्जा लिन पाउने छैन ।

राष्ट्र बैंकले यसअघि हायर पर्चेज कम्पनीलाई सर्कुलर जारी गर्दै अरुको नाममा गाडी खरिद गरेर चढ्न नपाउने नियम बनाएको थियो ।

यसैगरी, नागरिकताको साटो राष्ट्रिय परिचय पत्रको आधारमा पनि गाडी कर्जा दिन सकिने व्यवस्था गरको छ । कम्पनीहरुले उच्च पदस्थ व्यक्तिहरुको वर्गिकरण पनि नयाँ तरिकाबाट गर्नुपर्ने भएको छ । कम्पनीले उच्च पदस्थ व्यक्तिको वर्गीकरण गर्दा पदमा बहाल रहेका उच्च पदस्थ व्यक्ति, पदमा बहाल नरहेका उच्च पदस्थ व्यक्ति, छिमेकी वा नजिकका मुलुकको विदेशी उच्च पदस्थ व्यक्ति, अन्य विदेशी उच्च पदस्थ व्यक्ति, अन्तर्राष्ट्रिय संस्थाको उच्च पदस्थ व्यक्ति  छुट्याउनु पर्नेछ ।

कम्पनीले आफ्नो ग्राहक उच्च पदस्थ व्यक्तिका परिवार वा नजिकको सम्बन्ध भएका व्यक्ति भए नभएको यकिन गर्न आफूसँग ग्राहकबाट प्राप्त जानकारी तथा बुँदा नं. (१) बमोजिम बनाइएको संयन्त्र प्रयोग गर्नुपर्नेछ । यदी कम्पनीले शंकास्पद व्यक्ति भेटेमा राष्ट्र बैंकलाई प्रतिवेदन बसझाउनु पर्छ । संस्थाले शङ्कास्पद कारोबारको प्रतिवेदन पठाउँदा त्यस्तो संस्थाको कार्यान्वयन अधिकारीको एकाघर परिवार वा नजिकको नातेदार को विवरण पठाउनुपर्ने भएमा निज बाहेक अन्य अधिकारीबाट प्रतिवेदन पठाउने व्यवस्था मिलाउनुपर्नेछ ।

कम्पनीले कार्यान्वयन अधिकारी नियुक्ति गर्दा निज सम्बन्धित नियमनकारी निकायका पदाधिकारी वा उच्च व्यवस्थापनका कर्मचारीको एकाघर परिवार वा नजिकको नातेदार नरहेको यकिन गर्नुपर्नेछ ।

GBIME

प्रतिक्रिया दिनुहोस्