सिंहदरबार संवाददाता
काठमाडौं । कासा लाउन्ज एन्ड बारले असोज २७ गते शनिबारको दिन आयोजना गरेको “दशैं आयो” सांगीतिक कार्यक्रम भव्य रूपमा सम्पन्न गरेको छ ।
लाउन्जका सञ्चालक रामप्यारा श्रेष्ठज्यूले यो संगीतिक कार्यक्रम दशैंको शुभकामना साटासाट सँगै एक आपसमा खुशी बढाउनको निम्ति आयोजना गरेको बताएका छन । आयोजकले कार्यक्रममा आफ्नो प्रस्तुति दिने वरिष्ठ पप गायक हरिश माथेमा, दीपक थापालगायत सम्पूर्ण सांगीतिक समूहलाई धन्यवाद दिएका छन् ।
कार्यक्रम शोभा बढाउन अनि हौसला प्रदान गर्न वरिष्ठ पप गायक सुनिल उप्रेती, कार्यकम प्रस्तोता सुशील नेपाल तथा द भोइस अफ नेपालको ज्यूरी सदस्यहरु उदय सोताङ, प्रमोद खेरल, राजु लामा र निर्देशक लक्ष्मण पौडेलको उपस्थितिलाई सञ्चालक राम प्यारा श्रेष्ठले विशेष धन्यवाद दिएका छन् ।
सञ्चालकले आगामी दिनमा यस्तै संगीतिक कार्यक्रमलाई विशेष प्रथमिकतामा राखी अझै नयाँ तथा नौला कार्यक्रम लिएर आउने बताएका छन् । कार्यकमलाई माया गरी सभागिता जनाउने आफ्नो आदारणीय ग्राहक महानुभावु, कलाकारहरु र शुभचिन्तकहरुलाई धन्यवाद दिएका छन् ।
प्रतिक्रिया दिनुहोस्