सिंहदरबार संवाददाता
पोखरा । गण्डकी प्रदेशस्तरीय चौथो अन्तरबैंक फुटसल प्रतियोगिता आयोजना हुने भएको छ । नेपाल राष्ट्र बैंक कर्मचारी संघ, पोखरा समितिले गण्डकी प्रदेशस्तरीय अन्तर बैंक फुटसल प्रतियोगिताको चौथो संस्करण पोखरामा आयोजना गर्ने भएको छ ।
उक्त फुटसल प्रतियोगितामा गण्डकी प्रदेशस्थित बैंक तथा वित्तीय संस्थाका पुरुषतर्फ ३२ समूह र महिलातर्फ १६ समूह गरी कुल ४८ समूहको सहभागिता रहनेछ । पोखराको गणेश टोल स्थित स्पोर्टस् क्यासलको फुटसल मैदानमा असोज २६ र २७ गते गरी २ दिनसम्म प्रतियोगिता सञ्चालन हुनेछ ।
प्रतिक्रिया दिनुहोस्