सिंहदरबार संवाददाता
काठमाडौं । काठमाडौंको नक्सालमा रहेको होटल मेरियट काठमाडौंले रात्रिकालीन ‘अन्डरग्राउन्ड ग्यारेज पार्टी’ आयोजना गरेको छ ।
आगामी शुक्रबार हुने पार्टीमा सहभागी हुनेहरूले रात्रिकालीन जीवनका अद्भुद् दृश्यहरूको मज्जा लिन सक्नेछन् । सहभागीहरूका लागि यो पार्टी अविष्मरणीय र नौलो हुने होटलले जनाएको छ ।
सो कार्यक्रममा देशकै चर्चित डिजेहरूको प्रस्तुति रहनेछ । यसकिसिमको रात्रिकालीन पार्टी यसअघि नभएको समेत होटलले जनाएको छ । बिपीएम, वाइएनजेडएन, ओ मान्सीलगायतका डिजेहरूले कार्यक्रममा मनोरञ्जन दिलाउनेछन् ।
कार्यक्रममा विभिन्न पेय पदार्थहरूको स्वादसँगै झुम्न सकिने होटलको भनाइ छ । होटलले विभिन्न किसिमका पेय पदार्थको समिश्रणमार्फत ककटेल स्वादसमेत दिलाउने बताएको छ। जसले दर्शकहरूलाई पार्टीको थप मज्जाको अनुभूति दिनेछ ।
होटलका क्लस्टर जनरल म्यानेजर विशाल मेहराले सो रात्रिकालीन पार्टी विर्षनै नसकिने प्रकृतिको हुने बताए । उनले भने,‘हामी हाम्रा पाहुनाहरूलाई नौलो तथा अद्भुद् अनुभूति प्रदान गर्नका लागि प्रतिवद्ध छौँ ।’
कति लाग्छ शुल्क ?
पार्टीमा जो कोहीले सहभागीता जनाउन सक्नेछन् । अहिले सहभागिताका लागि सीमित टिकट रहेको होटलले जनाएको छ । सहभागिताका लागि प्रतिव्यक्ति ९ सय ९९ रुपैयाँमा टिकट बुक गर्न सकिनेछ । सो शुल्कमा एउटा वियरसमेत उपलब्ध हुने होटलले जनाएको छ । साथै होटलले भिआईपी प्याकेजसमेत उपलब्ध गराएको छ, जुन ७५ हजार रुपैयाँबाट सुरू हुन्छ । जसमा ६ जना ग्राहक सहभागी हुन सक्नेछन् ।
टिकट बुक गर्नका लागि ९८०१२२८९९२ मा फोन तथा [email protected] मा इमेल गर्न सकिनेछ ।
प्रतिक्रिया दिनुहोस्