सिंहदरबार संवाददाता
काठमाडौं । बैंकर अनिल शाह राष्ट्रिय स्वतन्त्र पार्टी प्रवेश गरेका छन् । रास्वपा केन्द्रिय सदस्य लिमा अधिकारीका अनुसार शाहलाई प्रशिक्षण विभागको प्रमुख बनाएर पार्टीमा भित्र्याईएको छ । उनले बिहिबार पार्टी सदस्यता लिएर जिम्मेवारी समेत सम्हालिसकेका छन् ।
तीन दशक भन्दा लामो बैंकिङ करिअर सकेर शाह पछिल्लो समय लिडर इंक नामको गैर नाफामुलक संस्था चलाईरहेका थिए । देशभर पुगेर उनले हरेक क्षेत्रमा नेतृत्व कसरी गर्ने ? भनेर प्रशिक्षण दिईरहेका थिए । शाहको आगमनले रास्वपालाई युवा र उच्च घरानाहरु तथा बिजनेश कम्युनीटीमा स्थापित गराउन मदत पुग्ने दावी गरिएको छ ।
प्रतिक्रिया दिनुहोस्