सिंहदरबार संवाददाता
काठमाडौं। सिटिजन्स बैंकले आफ्नो संस्थागत सामाजिक उत्तरदायित्वअन्तर्गत जेठ २२ गते सोमबारको दिन शान्तिनगर, काठमाडौंमा बृहत् वृक्षरोपण कार्यक्रम सम्पन्न गरेको छ ।
द रिभोलुसन प्रोजेक्टसँगको सहकार्यमा विश्व वातावरण दिवस २०२३ को दिन बृहत् वृक्षरोपण कार्यक्रम शान्तिनगर–९ मा करिब २ सय ५० भन्दा बढी विभिन्न प्रजातिका बिरुवा रोपी सम्पन्न गरेको छ ।
संस्थागत सामाजिक उत्तरदायित्वअन्तर्गत बैंकले यसअघि नै देशका बिभिन्न स्थानहरुमा स्वस्थ शिविर सञ्चालन, सामुदायिक विद्यालय एंव मठ मन्दिरहरुमा सहयोगहरु गरिसकेको बैंकले जनाएको छ ।
हाल, सिटिजन्स बैंक इन्टरनेसनल लिमिटेडले देशैभरी फैलिएका आफ्ना १ सय ८३ वटा शाखा, ३ वटा विस्तारित काउन्टर, १ सय ४० वटा एटिएम, ६ वटा कियोस्क सेवा र ९७ वटा शाखारहित बैंकिङ्ग एकाइहरुबाट सेवा प्रदान गर्दै आइरहेको छ ।
प्रतिक्रिया दिनुहोस्