काठमाडौं। नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले संसदमा सरकारको नीति तथा कार्यक्रमको चर्को विरोध जनाएका छन् । ओलीले नीति तथा कार्यक्रमले वास्तविक अर्थतन्त्रको समस्या बोक्ने नसकेको तर्क गरे ।
नीति तथा कार्यक्रम कस्तो रणनीति र गन्तव्यमा आधारित भएको ल्याइएको छ ? के तार्गेटहरु मिट गर्न नीति तथा कार्यक्रम लक्षित छ त्यो मैले पहिल्याउने कोसिस गरे । नीति तथा कार्यक्रम कुन ढंगबाट कुन लक्ष्य उद्देश्यसहित आएको छ सो पनि मैले पैलाउने कोसिस गरे’ पूर्वप्रधानमन्त्री ओलीले भने, ‘तर सरकारको नीति तथा कार्यक्रममा मैले त्यस्तो केही पाइन्।’
सार्वजनिक ऋण बढेको, राजस्वले चालू खर्च पनि धान्न नसक्ने अवस्था पुगिसकेको र दोहोरो अंकनजिक पुगिसकेको बजार महँगी नियन्त्रण र आर्थिक समृद्धि सरकारको नीति तथा कार्यक्रम विमुख भएको उनले आरोप लगाए । सोही अवसरमा पूर्वप्रधानमन्त्रीसमेत रहेका अध्यक्ष ओलीले भने, ‘रोम जलिरहेको छ तर निरो बाँसुरी बजाइरहेछ ।’ सरकारको नीति तथा कार्यक्रमले अहिलेको समस्या बोक्नै नसक्ने विरोधका साथ दाबी गरे ।
अध्यक्ष ओलीले सरकारको नीति तथा कार्यक्रमले १५ औँ पञ्चवर्षीय कार्यक्रमको समेत समीक्षा नगरेको बताए । ‘१५ औँ पञ्चवर्षीय कार्यक्रमको अन्तिम वर्षमा त्यसको गम्भीरतासाथ समीक्षा हुनुपर्नेमा, कार्यक्रम सफल भयो भएन रु कति उपलब्धि हासिल गर्न सकियो सकिएन समीक्षा गर्नुपर्नेमा त्यसमा सरकारको नीति तथा कार्यक्रम चुक्यो’, उनले भने ।
प्रतिक्रिया दिनुहोस्