सिंहदरबार संवाददाता
काठमाडौं । सगरमाथा लुम्बिनी इन्स्योरेन्स कम्पनीले चालु आर्थिक वर्षको तेस्रो त्रैमासको वित्तिय विवरण सार्वजनिक गरेको छ ।
तेस्रो त्रैमासमा कम्पनीको खुद नाफा सामान्य अंकले मात्रै बढेको छ भने, खुद बीमाशुल्क आम्दानी पनि सन्तोषजनक गर्न सकेको छैन ।
यस अवधिकमा कम्पनीको खुद बीमाशुल्क आर्जन ५ प्रतिशतले बढेको छ भने, खुद मुनाफा ३ प्रतिशतले बढेको छ।
कम्पनीले यस त्रैमासको अवधिमा आफ्नो खुद बीमाशूल्क आर्जन ५ प्रतिशतले बढाएर १ अर्ब ३ करोड ४५ लाख रुपैयाँ पुर्याएको छ। गत आर्थिक वर्षको सोही अवधिमा कम्पनीले १ अर्ब ९ करोड ५८ लाख रुपैयाँ खुद बीमा शुल्क आर्जन गरेको थियो ।
त्यस्तै, कम्पनीको नाफा ३ प्रतिशतले वृद्धि भएर २९ करोड ४७ लाख रुपैयाँ पुगेको छ । गत आर्थिक वर्षको सोहि अवधिमा कम्पनीले २८ करोड ६२ लाख रुपैयाँ मुनाफा आर्जन गरेको थियो ।
यस त्रैमासमा कम्पनीको प्रतिसेयर आम्दानी १४ रुपैयाँ ९८ पैसा र प्रतिसेयर नेटवर्थ २२२ रुपैयाँ ५६ पैसा रहेको छ । कम्पनीको चुक्ता पुँजी २ अर्ब ६२ करोड रुपैयाँ जगेडा कोषमा ८३ करोड ७९ लाख रुपैयाँ रकम संचिती रहेको छ ।
प्रतिक्रिया दिनुहोस्