सिंहदरबार संवाददाता
काठमाडौं । नेपाल राष्ट्र बैंकका गभर्नर महाप्रसाद अधिकारीले अर्थतन्त्रमा देखिएको शिथिलता हटाउन लचिलो निति लिएको बताएका छन् । मौद्रिक नीतिको तेस्रो त्रैमासिक समिक्षा सार्सार्वजनिक गरेपछि पत्रकार सम्मेलन गर्दै गभर्नर अधिकारीले यस्तो बताएका हुन् ।
उनले मौद्रिक नीतिको समिक्षाबाट अघि सारिएको लचिलो नीतिले अर्थतन्त्रलाई चलायमान बनाउने अपेक्षा गरिएको पनि बताए । ‘अर्थतन्त्रमा देखिएको शिथिलता कम गर्न लचिलो नीति लिएका हौं, यो नीतिले अर्थतन्त्रलाई चलायमान बनाउने अपेक्षा गरेका छौँ’गभर्नर अधिकारीले भने ।
उनले बैंक दर १% घटाउने, ५ करोडसम्मका कर्जाहरुको पुनःतालिकिकरण, ऋणपत्रलाई सिडि रेसियोमा गणना गर्न पाउने लगाएतका नीतिले सुधारको काम गर्ने पनि उनले दावी गरे । राष्ट्र बैंकको ठिक नीतिका कारण अर्थतन्त्र जोगिएको दावी पनि उनले गरे ।
प्रतिक्रिया दिनुहोस्