सिंहदरबार संवाददाता
काठमाडौं । अर्थमन्त्री डा. प्रकाश शरण महतले मौद्रिक नीति मार्फत नेपाल राष्ट्र बैंकले ब्याजदर घटाउने बताएका छन् । राष्ट्रिय सभामा बजेटका सिद्धान्त र प्राथमिकतामाथि उठेका प्रश्नहरुको जवाफ दिँदै मन्त्री डा. महतले मौद्रिक नीति मार्फत राष्ट्र बैंकले ब्याजदर घटाउने बताएका हुन् ।
‘अर्थतन्त्र चलायमान बनाउन आर्थिक वर्षको सुरुवातदेखि नै पुँजीगत खर्च बढाउन पहल गर्छाै, नेपाल राष्ट्र बैंकले मौद्रिक नीतिमार्फत ब्याजदर घटाउनेछ, डा. महतले भने । उनले यसपाली सामाजिक सुरक्षाका कुनै पनि कार्यक्रम कटौती गर्ने योजना नरहेको स्पष्ट पारेका छन् ।
‘सामाजिक सुरक्षाका विषयमा केही आशंका उठेका छन्, तर हामीले प्रतिवद्धता गरेका सामाजिक सुरक्षाका विषय कटौती हुँदैन’ उनले भने, हामीले बोलिसकेका कुराबाट पछि हट्दैनौं ।’, मन्त्री डा. महतले भने ।
उनले बिलासिताका समान आयात रोक्ने भन्दा राजश्व संकलनमा भारी गिरावट आएको बताए । आयात रोक्दा क्रय शक्ति घटेकोमा पनि उनले चिन्ता व्यक्त गरे ।
उनले के आयात गर्ने र के नगर्ने भन्ने जिम्मा जनतालाई छाडिदिनुपर्ने पनि बताए । उनले राज्यको ध्यान आयात रोक्न भन्दा पनि समृद्धिका लागि के के गर्नुपर्ने हो त्यसमा केन्द्रित हुनुपर्ने समय आईसकेको पनि बताए ।
प्रतिक्रिया दिनुहोस्