सिंहदरबार संवाददाता
काठमाडौं । सरकारले अन्ततः जग्गाको कित्ताकाट खुला गरेको छ । मंगलबार बसेको मन्त्रिपरिषद बैठकले भूउपयोग नियमावली २०७९ लाई संशोधन गर्दै कित्ताकाट खुला गरेको सरकारकी प्रवक्ता सञ्चार तथा सूचना प्रविधिमन्त्री रेखा शर्माले बताईन ।
‘भू-उपयोग पहिलो संशोधन नियमावली २०७९ स्वीकृति गर्ने निर्णय भएको छ । नियमावली नबनेको कारण घरजग्गा कारोबारमा कित्ताकाट तथा अंशबण्डा रोकिएको थियो । त्यसलाई सहज बनाउनको लागि मन्त्रिपरिषद्ले भू-उपयोग पहिलो संशोधन नियमावली २०७९ स्वीकृति गर्ने निर्णय गरेको छ’ मन्त्री शर्माले भनिन् ।
सरकारले अर्थतन्त्र चलायमान बनाउन जग्गाको कित्ताकाट खुलाएको हो । प्रधानमन्त्री प्रचण्डले जग्गाको कित्ताकाट बन्द हुँदा अर्थतन्त्रमा शिथिलता आएको बताएका थिए ।
प्रतिक्रिया दिनुहोस्