सिंहदरबार संवाददाता
काठमाडौं । बार्सिलोनाले लियोनेल मेस्सीलाई बार्सिलोना फर्काउन पहल सुरु गरेको छ । क्लबका उपाध्यक्ष राफयल युस्टेले मेस्सीलाई बार्सिलोना फर्काउन पहल सुरु भएको बताएका हुन् ।
३५ वर्षीय अर्जेन्टिनाका फरवार्ड मेस्सीले ७७८ खेलमा ६७२ गोलसहित बार्सिलोनाका सर्वाधिक गोलकर्ताको रेकर्ड कायम गरेका छन् । उनले २०२१ मा आर्थिक कारण बार्सिलोना छाडेका थिए ।
मेस्सीको फ्रान्सेली क्लब पेरिस सेन्ट जर्मेन (पिएसजी) सँगको दुई वर्षे सम्झौता यहि सिजन सकिँदैछ । मेस्सीले बार्सिलोनाबाट चार च्याम्पियन्स लिग र १० ला लिगा उपाधिसँगै ६ पटक बालोन डी’ओर जितेका छन् ।
अर्र्जेन्टिनालाई विश्वकप जिताएका मेस्सीले पीएसजीका लागि ६६ खेलमा २९ गोल गरेका छन् ।
प्रतिक्रिया दिनुहोस्