सिंहदरबार संवाददाता
काठमाडौं । साताको अन्तिम दिन नेपाल स्टक एक्स चेञ्ज (नेप्से) मा गिरावट आएको छ । बिहीबार नेप्से परिसूचक ५.३२ अंकले घटेर १९३३.३१ अंक विन्दुमा बन्द भएको हो ।
आज ३४ लाख २ हजारको कित्ता सेयर १ अर्ब १४ करोड १४ लाखमा खरिद बिक्री भएको छ । यसदिन कारोबारमा आएका कम्पनीमध्ये ९२ वटाको सेयर मूल्य बढ्दा ११९ वटा कम्पनीको घटेको छ भने ३ वटा कम्पनीको स्थिर अवस्थामा रहेको छ ।
त्यसैगरि, एनआईसी एसिया बैंकको सर्वाधिक सेयर खरिदबिक्री भएको छ । कम्पनीको आज ४ करोड ९४ लाख रुपैयाँ माथिको कारोबार भएको छ । साथै, नबिल बैंकको ३ करोड ९६ लाख, हिमालयन डेष्टिलरीको ३ करोड ८३ लाख, नेपाल लाइफ इन्स्योरेन्सको ३ करोड ३० लाख, सिद्धार्थ बैंक प्रमोटर सेयरको २ करोड ५६ लाख रूपैयाँमाथिको कारोबार भएको छ ।
प्रतिक्रिया दिनुहोस्