दुर्गा प्रसाईंको ‘कालोमोसो दस्ता’ अभियानका संयोजक थापा पक्राउ

काठमाडौं । विवादास्पद व्यवसायी दुर्गा प्रसाईँले सुरु गरेको कालोमोसो दस्ता अभियानका संयोजक शम्भु थापा पक्राउ परेका छन् । प्रसाईँले बैंक तथा वित्तीय संस्थाका कर्मचारीहरुलाई कालोमोसो दल्न भन्दै गठन गरेको ‘कालोमोसो दस्ता’का केन्द्रीय संयोजक थापालाई प्रहरीले चितवनबाट पक्राउ गरेको हो ।

प्रसाईँले धर्म, संस्कृति, राष्ट्र, राष्ट्रियता र नागरिक अभियानको नाममा गत फागुन १३ गते चितवनमा आयोजना गरेको कार्यक्रममा थापालाई कालोमोसो दस्ताको केन्द्रीय संयोजक बनाएका थिए । कालोमोसो दस्ता विरुद्ध बैंक तथा वित्तीय संस्थाका कार्यालय प्रमुखहरु जिल्ला प्रशासन कार्यालयमा डेलिगेससमेत गएका थिए । थापा विरुद्ध अभद्र व्यवहारको मुद्दा दर्ताको तयारी गरिएको छ ।