६ सय रुपैयाँले घट्यो सुनको मूल्य, चाँदी कति ?

काठमाडौं । नेपाल सुनचाँदी बजारमा बिहिबार सुनको मुल्य घटेको छ । बिहिबार नेपाली बजारमा छापावाल सुनको मुल्य ६ सय रुपैयाँले घटेर १ लाख ३ हजार रुपैयाँमा कारोबार भइरहेको छ । अघिल्लो दिन अर्थात बुधबार छापावाल सुनको मूल्य १ लाख ३ हजार ६ सय रुपैयाँमा खरिदबिक्री भएको थियो ।

नेपाल सुनचाँदी व्यवसायी महासंघले सर्वजनिक गरेको विवरण अनुसार तेजावी सुनको मूल्य प्रतितोला ६ सय रुपैयाँले घटेर १ लाख २ हजार ५ सय रुपैयाँ कायम भएको छ । अघिल्लो कारोबारको दिन अर्थात बुधबार तेजावी सुनकाे मुल्य प्रतितोला १ लाख ३ हजार १ सय रुपैयाँमा खरिदबिक्री भएकाे थियाे

त्यसैगरी, बिहिबार चाँदीको मूल्य प्रतितोला ५ रुपैयाँले घटेर १ हजार २ सय ८५ रुपैयाँ कायम भएको छ । अघिल्लो कारोबारको दिन अर्थात बुधबार चाँदीको मुल्य प्रतितोला १ हजार २ सय ९० रुपैयाँमा कारोबार भएको थियो ।

महासंघले अन्तरर्राष्ट्रिय बजारमा हुने सुन तथा चाँदीको कारोबार मुल्यको आधारमा नेपालमा दैनिक सुन तथा चाँदीको मूल्य निर्धारण गर्छ ।