काठमाडौं । कृषि विकास बैंकले लगानीकर्ताहरुलाई वितरण गर्नका लागि लाभांश घोषणा गरेको छ । बैंकले गत आर्थिक वर्षको मुनाफाबाट सेयरधनीहरुलाई वितरण गर्नका लागि १३ प्रतिशत लाभांश घोषणा गरेको हो ।
बैंकको पुस २६ गते मंगलबार बिहान बसेको संचालक समितिकबो बैठकले सो दरमा लाभांश वितरण गर्ने निर्णय गरेको हो ।
बैंकले हाल कायम चुक्ता पूँजीको २ प्रतिशत बोनस सेयर र ११ प्रतिशत नगद लाभांश (कर सहित) गरि कुल १३ प्रतिशत लाभांश वितरण गर्ने घोषणा गरेको हो।
त्यसैगरी, बैंकले अग्राधिकार सेयर पूँजीमा वार्षिक ६ प्रतिशतका दरले नगद लाभांश वितरण गर्ने घोषणा पनि गरेको छ।
उक्त लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाबाट पारित भएपश्चात सेयरधनीहरुलाई वितरण गरिनेछ।
प्रतिक्रिया दिनुहोस्