काठमाडौं । नेपाल राष्ट्र बैंकले नेपाल इन्भेष्टमेन्ट बैंक र मेगा बैंक नेपाललाई मर्जरको अन्तिम स्वीकृति प्रदान गरेको छ । केन्द्रीय बैंकको १५ गते शुक्रबार बसेको सञ्चालक समितिको बैंठकले यी बैंकहरुलाई मर्जरको अन्तिम स्वीकृति दिएको हो ।
यी दुवै बैंकले गत जेठ २७ गते मर्जर सम्झौता प्रारम्भिक सम्झौता गरी राष्ट्र बैंकमा स्वीकृति माग्दै आवेदन दिएका थिए । रष्ट्र बैंकले असार २२ गते २ बैंकलाई मर्जरको लागि सैद्दान्तिक सहमति दिएको थियो । राष्ट्र बैंकले अन्तिम स्वीकृदि दिएसँगै यी दुबै बैंकले पुस २७ गतेलाई एकिकृत कारोबारको मिति तय गरेका छन् । पुस २७ गते नेपाल इन्भेष्टमेन्ट बैंक र मेगा बैंक नेपाल मर्जर भई ‘नेपाल इन्भेष्टमेन्ट मेगा बैंक लिमिटेड’ को नामबाट एकीकृत कारोबार हुने बैंकका एक संचालकले बताए ।
मेगा बैंकको हाल कायम सेयरधनीले मर्जरपछि बन्ने बैंकमा अहिलेको १०० कित्ता बराबर ९० कित्ता अथात् १००ः९० को सेयर आदनप्रदान अनुपात (स्वाप रेसियो) मा मर्जर भएका हुन् ।
हाल इन्भेष्टमेन्ट बैंकको चुक्ता पुँजी १८ अर्ब ३० करोड रहेको छ भने मेगा बैंकको चुक्ता पुँजी १६ अर्ब १२ करोड रहेको छ । १००ः९० को स्वापमा मर्ज भए मर्जरपछि बन्ने बैंकको चुक्ता पुँजी ३२ अर्ब पुग्ने छ।
प्रतिक्रिया दिनुहोस्