प्रधानमन्त्री पुष्पकमल दाहाल प्रचण्डले अब निजगढ अन्तर्राष्ट्रिय विमानास्थलको शिलान्याश गर्ने घोषणा गरेका छन् । पोखरा अन्तराष्ट्रिय विमानस्थलको उद्घाटन गर्दै प्रधानमन्त्री प्रचण्डले अब आफु निजगढ अन्तराष्ट्रिय विमानस्थलको शिलान्यास गर्न आतुर भएको बताएका हुन् । उनले निजगढ बिमानस्थलको निर्माण प्रक्रिया निर्माण प्रक्रिया छिट्टै अगाडि बढाउने घोषणा पनि गरे ।
“मुलुकको तेस्रो अन्तर्राष्ट्रिय विमानस्थलका रुपमा आजदेखि पोखरामा विमानस्थल सञ्चालनमा आएको छ”, उनले भने, “यो विमानस्थल सञ्चालनमा आएसँगै पोखरासँग अन्तर्राष्ट्रिय क्षेत्रसँगको सम्बन्ध स्थापित भएको छ ।” प्रधानमन्त्री दाहालले पोखरा विमानस्थल निर्माणका लागि चिनियाँ राजदूतावासमार्फत तथा चिनियाँ राष्ट्रपति सी जिनपिङसँग प्रत्यक्ष भेटेर पनि छिटो निर्माणका लागि आफूले पहल गरेको बताए । पोखरा अन्तर्राष्ट्रिय विमानस्थलका परिकल्पनाकार शङ्करराज पाठक आफ्नो गुरु भएको भन्दै प्रधानमन्त्री दाहालले उनको प्रशंसा गरे ।
सर्वाेच्च अदालतको आदेशपछि निजगढमा बिमानस्थल बनाउने प्रक्रिया अन्यौलमा थियो । अदालतले विज्ञ समुह बनाएर अध्ययन गर्न भनेको थियो । सरकारले अदालतको आदेश बमोजिम विज्ञ समुह बनाएर अध्ययन प्रतिवेदन तयार पारेको छ । सो प्रतिवेदनले निजगढमै अन्तराष्ट्रिय बिमानस्थल बनाउन सकिने र बन्नुपर्ने निष्कर्ष निकालेको छ ।
प्रतिक्रिया दिनुहोस्