सिंहदरबार संवाददाता
चन्द्रपुर । विभिन्न पार्टी परित्याग गरी तीन दर्जन नेता कार्यकर्ता आज नेकपा (एकीकृत समाजवादी पार्टीमा प्रवेश गरेका छन् । जनता समाजवादी पार्टी रौतहटका जिल्ला सदस्य फूलचन राई, सुकुनी राई, बिमला परियार, दिलबहादुर राई, सामुयल राई, मनसरी विक, राकेश श्रेष्ठ र सुमित्राकुमारी राई एकीकृत समाजवादीमा प्रवेश गरेका हुन् ।
त्यसैगरी चन्द्रपुर २ का उदयनारायण चौधरी, फूलमाया राई, विवस राई, पुष्पा राई, दिवस विक आजै एकीकृत समाजवादीमा प्रवेश गरेको नगर अध्यक्ष बाबुराम दाहालले जानकारी दिए ।
त्यसैगरी चन्द्रपुर ८ का लक्ष्मीनारायण चौधरी, नरेश राम, नागेन्द्र राम, रामप्रवेश चौधरी, दिलिप चौधरी, क्षितिज चौधरी, दिपेश चौधरी, रामेश्वर चौधरी, अकलु चौधरी, रामसेवक चौधरी र अमित माझी एकीकृत समाजवादीमा समाहित भएका छन् ।
यसरी पार्टीप्रति दिनदिनै आकर्षण बढ्दै जाँदा रौतहट क्षेत्र नम्बर ४ (क) मा कलम छापका उम्मेदवार बालकृष्ण श्रेष्ठको जीत सुनिश्चित बन्दै गएको नगर अध्यक्ष दाहालले बताए ।
प्रतिक्रिया दिनुहोस्