फोर्स मोटर्सको दशैँ तिहार अफरः नगद छुट र आकर्षक उपहार पनि

काठमाडौं । फोर्स मोटर्सको आधिकारीक बिक्रेता आयाम इन्टरकन्टिनेन्टल प्रालीले चाडबाड आफर ल्याएको छ । कम्पनीले दशैँ र तिहारको अवसरमा गाडीको खरीदमा भरमार उपहारको वर्षा ल्याएको हो । योजना अनुसार आकर्षक नगद छुट, वासिङ्ग मेसिन, स्मार्ट टिभि., स्मार्ट फोन लगायतका उपहारहरु प्राप्त हुनेछन् । अफर भदौ १७देखि लागु भई छठ पर्व अर्थात २०७९ कार्तिक १३ गतेसम्म लागु हुनेछ ।

बिगत ८ वर्ष देखि फोर्स मोटर्स लिमिटेडले नेपालमा आफ्नो आधिकारिक बिक्रेता आयाम इन्टरकन्टिनेन्टल प्राली मार्फत आफ्ना गाडीहरुको बजारीकरण गर्दै आएको छ । आयाम इन्टरकन्टिनेन्टलले काठमाडौँ को गैह्रिधारा ,पोखराको चाउथे र सुन्सरीको इटहरीमा आफ्नै शोरुम संचालनमा ल्याएको छ । त्यस्तै स्थानीय डिलरको रुपमा चितवनको भरतपुर, झापाको बिर्तामोड, ललितपुरको बाघडोल, सिराहाको लाहान, धनुषाको जनकपुरमा डिलर मार्फत फोर्स मोटर्सका गाडीहरु बिक्रि वितरणमा ल्याईरहेको छ ।