काठमाडाैं । कोरोना भाइरसको सङक्रमण आज ५ सय ६४ मा देखिएको छ । स्वास्थ्य तथा जनसङ्ख्या मन्त्रालयले जारी गरेको नियमित पत्रकार सम्मेलनमा मन्त्रालयका सहप्रवक्ता डा समिरकुमार अधिकारीले चार हजार चार सय ५४ परीक्षणमध्ये आज पाँच सय ६४ मा सङ्क्रमण देखिएको बताए ।
उनका अनुसार काठमाडौं उपत्यकाको ललितपुरमा ४१, भक्तपुरमा १७ र काठमाडौंमा २ सय अठार मा सङ्क्रमण देखिएको छ । सक्रिय सङ्क्रमितको सङ्ख्या ३ हजार ९ सय २९ रहेको छ । विगत २४ घण्टामा २०२ जना कोरोनाबाट निको भएर घर फर्किएका छन् ।
यस्तै सङ्क्रमणबाट १ जनाको निधन भएको छ । अहिलेसम्म होम आइसोलेसनमा ३ हजार सात सय ९४, संस्थागत आइसोलेसनमा एक सय ३५, सघन उपचार कक्ष (आइसियु)मा ३२ र भेन्टिलेटरमा दुईजनाको उपचार भइरहेको छ ।
यसैगरी विगत २४ घण्टामा १ लाख १ हजार ६ सयले कोरोना भाइरसविरुद्धको खोप लगाएका छन् ।
प्रतिक्रिया दिनुहोस्