सिंहदरबार संवाददाता
काठमाडौं । त्रिभुवन विश्वविद्यालय सुधारको मागसहित आमरण अनसनमा बसेका अनेरास्ववियूका अध्यक्ष र उपाध्यक्षलाई सात विद्यार्थी संगठनहरुले ऐक्यवद्धता जनाएका छन् ।
नेकपा(एकिकृत समाजवादी) निकट अनेरास्ववियूका अध्यक्ष सुदेश पराजुली र उपाध्यक्ष माधव पन्तले त्रिवि सुधारका माग राख्दै आमरण अनसन बसिररहेका छन् । उनीहरुको आमरण अनसन छैठौं दिनदेखि जारी छ ।
उनीहरुको स्वास्थ्य अवस्थामा समस्या आएपछि उपपचारका लागि त्रिवि शिक्षण अस्पतालमा उपचार गराईएको थियो । आमरण अनसनलाई नेपाल विद्यार्थी संघ, अखिल क्रान्तिकारी, समाजवादी विद्यार्थी युनियनसहित सात विद्यार्थी संगठनले ऐक्यवद्धता व्यक्त गरेका हुन् ।
अनसनरत विद्यार्थी नेताहरुको स्वास्थ्यको ख्याल गर्न पनि उनीहरुले सरकारसँग माग गरेका छन् ।
प्रतिक्रिया दिनुहोस्