काठमाडौं । नेकपा (एमाले) ले एम अधिकारी भन्ने व्यक्ति नेपाल राष्ट्र बैंकका गभर्नर महाप्रसाद अधिकारी नभएको प्रष्ट पारेको छ । एमालेको अर्थ तथा योजना विभागका सदस्य एम अधिकारी गभर्नर नभएको पार्टीको कार्यालय सचिव डा. भीष्म अधिकारीले बुधबार राष्ट्र बैंकलाई पत्रमार्फत् प्रष्ट पारेका हुन् ।
एमाले पार्टी कार्यालयले नेपाल राष्ट्र बैंकमा पत्र पठाउँदै एमाले कमिटी र विभागहरुमा त्यस्ता सार्वजनिक पद धारण गरेको व्यक्तिहरु रहने वैधानिक व्यवस्था नभएको भन्दै एम अधिकारी, खोटाङ नामको सदस्य गभर्नर अधिकारी नभएको प्रष्ट पारेका हो । तर एमालेले अर्थ तथा योजना विभागका सदस्य एम अधिकारी पात्र को हुन् भनेर भने स्पष्ट पारेको छैन ।
सार्वजनिक पद धारण गरेका राष्ट्र बैंकका गभर्नर अधिकारी एमालेको कार्यकर्ता रहेको बाहिर आएपछि विपक्षीदलका नेताहरु विराेध गरिरहेका छन् भने सेयर लगानीकर्ताहरु गभर्नर राजिनामा माग गर्दै सडक आन्दोलनमा छन् ।
प्रतिक्रिया दिनुहोस्