सुनको मूल्य ३ सयले घट्यो

काठमाडौं । नेपाली बजारमा शुक्रबार सुनचाँदीेकै मूल्य घटेको छ । शुक्रबार छापावाल सुन प्रतितोला ३ सय रुपैयाँले घटेको हो । आज छापावाल सुनको मूल्य ९७ हजार २ सय रुपैयाँ कायम भएको छ । अघिल्लो दिन छापावाल सुन ९७ हजार ५ सय रुपैयाँमा कारोबार भएको थियो ।

त्यस्तै तेजावी सुन पनि प्रतितोला ३ सय रुपैयाँले घटेको छ । आज तेजावी सुन ९६ हजार ७ सय रुपैयाँ कयम भएको छ । अघिल्लो दिन तेजावी सुन ९७ हजार रुपैयाँमा कारोबार भएको थियो ।

नेपाल सुनचाँदी व्यवसायी महासंघका अनुसार चाँदी प्रतितोला १० रुपैयाँले घटेर १२ सय ४० रुपैयाँ कायम भएको छ । अघिल्लो दिन चाँदी १२ सय ५० रुपैयाँमा कारोबार भएको थियो ।

नेपालमा अन्तरराष्ट्रिय बजार मूल्यको आधारमा सुनचाँदीको मूल्य निर्धारण गर्छ ।