३ सयले घट्यो सुनको भाउ

काठमाडौं । साताको दोस्रो दिन नेपाली बजारमा सुनको भाउ घटेको छ । सोमबार छापावाल सुन प्रतितोला ३ सय रुपैयाँले घटेर ९८ हजार ९ सय रुपैयाँमा कारोबार भइरहेको छ । अघिल्लो दिन छापावाल सुन ९९ हजार २ सय रुपैयाँमा खरिदबिक्री भएको थियो ।

त्यस्तै तेजावी सुन पनि प्रतितोला ३ सय रुपैयाँले घटेर प्रतितोला ९८ हजार ४ सय रुपैयाँमा कारोबार भइरहेको छ । अघिल्लो दिन तेजावी सुन प्रतितोला ९८ हजार ७ सय रुपैयाँमा खरिदबिक्री भएको थियो ।

नेपाल सुनचाँदी व्यवसायी महासंघका अनुसार सोमबार चाँदीको भाउ प्रतितोला १५ रुपैयाँले घटेको छ । आज चाँदी प्रतितोला १२ सय ६५ रुपैयाँमा कारोबार भइरहेको छ । अघिल्लो दिन चाँदी प्रतितोला १२ सय ८० रुपैयाँमा खरिदबिक्री भएको थियो ।

नेपालमा अन्तरराष्ट्रिय बजार भाउको आधारमा महासंघले सुनचाँदीको भाउ तोक्ने गर्छ ।