सिंहदरबार संवाददाता
काठमाडौं । नेकपा(एकिकृत समाजवादी)का अध्यक्ष माधव कुमार नेपालले काठमाडौं महानगरपालिकाका नव निर्वाचित मेयर बालेन्द्र साहलाई शुभकामना दिएका छन् । पूर्व प्रधानमन्त्री समेत रहेका अध्यक्ष नेपालले जनताको लो्कप्रिय मतसहित विजयी भएकोमा शुभकामना दिँदै आफ्ना प्रतिवद्धता अनुसार काठमाडौंलाई उत्कृष्ठ शहर बनाउन भनेका छन् । उनले बालेन साहसँग आफ्नो पार्टीले सहयोग तथा सहकार्य गर्ने पनि बताएका छन् ।
माधव नेपालको शुभकामना सन्देश
काठमाडौं महानगरपालिकाको प्रमुख पदमा जनताको लोकप्रिय मत सहित निर्वाचित हुनुभएकोमा युवा उम्मेद्वार बालेन्द्र साह(बालेन)जीलाई हार्दिक बधाई एवम् सफल कार्यकालको शुभकामना १
यहॅाले सार्वजनिक रूपमा प्रतिबद्धता गरे अनुरूप काठमाडौंलाई उत्कृष्ट शहर बनाउने लगायतका सबै असल कार्यमा सहयोग एवम् सहकार्य गर्न हाम्रो पार्टी सदैब तत्पर रहेको छ ।
साथै, काठमाडौं महानगरपालिकाका नवनिर्वाचित उपप्रमुख, वडाध्यक्षहरू तथा सम्पूर्ण जनप्रतिनिधिहरूलाई समेत हार्दिक बधाई तथा शुभकामना !
प्रतिक्रिया दिनुहोस्