सिंहदरबार संवाददाता
काठमाडौं । नेपाल स्टक एक्सचेन्ज(नेप्से)का अनुसार साताको पहिलो कारोबारकै दिन नेप्से परिसूचक घटेको छ । सोमबार नेप्से परिसूचक ३४.२१ अंकले घटेर २२००.८८ को विन्दुमा आएको हो । ठूला कम्पनीका सेयर मापक सेन्सेटिभ इण्डेक्स ५.६९ अंकले घटेर ४२९.०५ को बिन्दुमा आएको छ ।
यसदिन २२४ स्क्रिप्टका ३९ लाख १७ हजार ६५५ कित्ता सेयर १ अर्ब ३६ करोड ९५ लाख १३ हजार रुपैयाँमा खरिदबिक्री भए ।
त्यसैगरि १३ वटै समुहगत उपसूचकहरु घटेका छन् ।
कारोबार रकमको आधारमा नविल बैंक शिर्ष स्थानमा रहेको छ । बैंकको ४ करोड १५ लाख ९ हजार रुपैयाँ बराबरको सेयर खरिदबिक्री भए । त्यसैगरि अरुण भ्याली हाइड्रोपावर ३ करोड ८७ लाख २७ हजार, नेपाल लाइफ इन्स्योरेन्स ३ करोड ८५ लाख ७३ हजार, नागरिक लगानी कोष ३ करोड ६४ लाख २६ हजार र हिमालयन डिस्टिलरी ३ करोड ५३ लाख ८३ हजार रुपैयाँको कारोबार सहित शीर्ष पाँच भित्र रहेका छन् ।
यसदिन गुँरास लघुवित्त वित्तीय संस्थाका सेयरधनीले सर्वाधिक ६.२० प्रतिशतले कमाएका छन् ।
सोमबार कारोबारमा आएका १३ कम्पनीको सेयर मूल्य बढ्दा १७८ कम्पनीको सेयर मूल्य घटेको छ भने १ कम्पनीको सेयर मूल्य स्थिर रहेको छ ।
प्रतिक्रिया दिनुहोस्