सिंहदरबार संवाददाता
काठमाडौं । इलामको फाकफोकथुम गाउँपालिकाको अध्यक्षमा नेकपा एमालेका दिपेन्द्र खनाल विजयी भएका छन् । खनालले ५ हजार ३ सय २२ मत प्राप्त गर्दा निकटतम प्रतिस्पर्धी नेपाली कांग्रेसका डिकबहादुर थापाले भने ४ हजार ८ सय २१ मत प्राप्त गरे ।
यस्तै, उपाध्यक्षमा पनि एमालेकै कल्पना राई विजयी भइन् । उनले ५ हजार १ सय ५८ मत पाउँदा माओवादी केन्द्रका कुलबहादुर राईले भने ४ हजार १ सय ७४ मत प्राप्त गरे । सात वटा वडा रहेको फाकफोकथुम गाउँपालिकाको वडाध्यक्षमा भने चार वटा वडामा कांग्रेस र तीन वटा वडामा एमालेले जितेको छ ।
प्रतिक्रिया दिनुहोस्