पोखरामा अग्रता बढाउँदै समाजवादीको धनराज

काठमाडौं । पोखरा महानगरपालिकामा एकिकृत समाजवादीका मेयर उम्मेदवार धनराज आचार्यले अग्रता बढाउँदै लगेका छन् ।
हालसम्म आचार्यले ९ सय २३ मत प्राप्त गरेका छन् । उनका प्रतिष्पर्धी एमालेका कृष्ण थापाले जम्मा ८ सय ६ मत मात्रै प्राप्त गरेका छन् ।

आचार्यले थापालाई एक सय १७ मतले पछि पारेका हुन् । आचार्यलाई सत्तारुढ पाँच दलिय गठबन्धनको समर्थन छ । उपमेयरमा पनि काँग्रेसकी उम्मेदवार कोपिला रानाभाटले एक हजार २८ मत प्राप्त गरेकी छिन् । एमाले उम्मेदवार तथा निवर्तमान उपमेयर मञ्जु गुरुङले ९ सय ४ मत प्राप्त गरेकी छिन् ।