काठमाडौं । वाणिज्य बैंकहरूमा निक्षेप बढ्न थालेको छ । चुनावको मुखैमा बैंकमा पैसा बढ्न थालेको हो ।
पछिल्लो साता वाणिज्य बैंकमा रहेको निक्षेप ५ अर्ब ८७ करोड रूपैयाँ बढेको छ । जुन अघिल्लो साता ४६ करोड रूपैयाँले विस्तार भएको थियो ।
वैशाख १६ सम्म ‘क’ वर्गका बैंकहरूमा ४३ खर्ब ६७ अर्ब ५९ करोड रूपैयाँ निक्षेप थियो जुन २३ गतेसम्म विस्तार भएर ४३ खर्ब ७३ अर्ब ४६ करोड रूपैयाँ पुगेको छ ।
अघिल्लो वैशाखको पहिलो सातासम्म बैंकबाट बाहिरिएको पैसा नफर्कँदा बैंकहरू तनावमा थिए । अहिले भने फर्कन थालेको महसुस हुन थालेको छ ।
यता वाणिज्य बैंकहरूले निक्षेप घटाउन थालेका छन् । वैशाख १६ सम्म वाणिज्य बैंकहरूले कुल ४१ खर्ब ९६ अर्ब ८७ करोड रूपैयाँ बराबरको कर्जा प्रवाह गरेकामा २३ गतेसम्म ३ अर्ब ६५ करोडले घटेर ४१ खर्ब ९३ अर्ब २२ करोड कायम भएको छ ।
निक्षेप बढ्नु र कर्जा घट्नुको प्रत्यक्ष प्रभाव सीडी रेसियोमा परेको छ । १६ गतेसम्म ९०.९९ प्रतिशत कायम सीडी रेसियो २३ गतेसम्म घटेर ९०.८१ प्रतिशत पुगेको छ ।
असार मसान्तभित्र बैंकहरूले सीडी ९० प्रतिशत कायम गर्नुपर्ने राष्ट्र बैंकको बाध्यकारी व्यवस्था भएकाले बैंकहरू निक्षेपको तुलनामा दिइने कर्जाको दर घटाउँदै लैजान थालेका छन् ।
प्रतिक्रिया दिनुहोस्